Hombres G súmanse ao Recorda Fest 2026 e prometen “pasalo moi ben” no Muelle de Batería

O Recorda Fest continúa ampliando o cartel da súa cuarta edición e anuncia unha incorporación de luxo: Hombres G. A mítica banda de pop-rock español, referente absoluto de varias xeracións, convértese no headliner que faltaba por desvelar e promete unha das noites máis memorables do festival, que se celebrará os días 4 e 5 de setembro no Muelle de Batería.

Hombres G compartirán escenario con artistas xa confirmados como Cali y el Dandee, Juan Magán, La M.O.D.A., Marlon, Sidecars, Taburete, Hey Kid, Hydn, Inazio, Mafalda Cardenal, Galician Army, Señora DJ e Pavlenha, nun cartel que xa é o máis amplo da historia do evento.

Os abonos están á venda por 55 € + gastos en recordafest.es.

Recorda Sessions: unha viaxe aos 2000 por primeira vez no festival

A edición de 2026 incluirá unha novidade moi especial: as Recorda Sessions, unha xornada dedicada a revivir os grandes himnos dos 2000. Sobre o escenario estarán:

• Natalia Rodríguez
• Selena Leo
• Raúl
• Fran Perea
• Ella Baila Sola
• David Civera

Un formato único que permitirá ao público volver cantar os temas que marcaron unha década enteira.

Hombres G: unha nova etapa e unha xira chea de himnos xeracionais

A chegada de Hombres G será un dos grandes momentos desta edición. En 2026, a banda inicia unha nova etapa coa xira “Los mejores años de nuestra vida”, un percorrido polos éxitos que definiron a historia do pop-rock en español.

Cancións como “Devuélveme a mi chica”, “El ataque de las chicas cocodrilo”, “Marta tiene un marcapasos” ou “Voy a pasármelo bien” volverán soar a pleno pulmón nun festival que aposta por combinar grandes referentes con artistas destacados do panorama actual.

Un festival que medra e consolida a súa identidade

Co apoio da Xunta de Galicia a través da Axencia de Turismo de Galicia e dos Concertos do Xacobeo, o Recorda Fest reforza a súa aposta por unha programación transversal, pensada para celebrar o verán con música, memoria e novas propostas.

A promotora Quireza Events, responsable do Recorda Fest e do Galicia Fest, continúa impulsando proxectos musicais de gran impacto, ademais de xiras internacionais como a de La Reina del Flow, que en 2026 superará os 200.000 tiques vendidos.