Novos Pulsos é o novo ciclo de concertos dedicado a visibilizar e apoiar o talento emerxente galego. A iniciativa reúne oito citas en diferentes salas da comunidade, cunha programación marcada pola diversidade de estilos, linguaxes e sensibilidades artísticas. As entradas están dispoñibles en ataquilla.com.
O ciclo iniciou a súa actividade na primavera con Vatapá Quinteto, PortoSanto e Capital Voskov, e retomará a programación no outono cun percorrido por Santiago de Compostela, Ourense, Vilanova de Arousa, Vigo, Boiro e Lugo.
Un escaparate para a nova escena galega
Novos Pulsos nace co obxectivo de servir de plataforma para unha nova xeración de artistas, facilitando o encontro co público e favorecendo a circulación dos seus proxectos por diferentes puntos de Galicia. A programación reúne propostas que van do pop alternativo ao rock, pasando pola electrónica, o folk contemporáneo ou a canción de autor.
Durante os próximos meses pasarán polo ciclo nomes como:
- Taïn
- Carla Lourdes
- Javier Lago
- 9Louro
- Cora Yako
- Camellos
- Montedapena
- Hermanos Visi
Unha combinación que reflicte a riqueza creativa da escena galega actual e a súa capacidade para dialogar con tendencias nacionais e internacionais.
As salas, motor da cultura en Galicia
O proxecto tamén busca poñer en valor o papel das salas de concertos como espazos indispensables do ecosistema cultural. Estes lugares funcionan como puntos de encontro, experimentación e crecemento para artistas, profesionais e públicos, e son fundamentais para o desenvolvemento dunha escena viva e diversa.
Novos Pulsos conta coa colaboración da Xunta de Galicia e dos Concertos do Xacobeo a través da Axencia Galega das Industrias Culturais.
Programación de outono
As entradas están á venda en ataquilla.com.
11 de setembro Taïn Riquela Club – Santiago de Compostela
16 de outubro Carla Lourdes & Javier Lago A Arca da Noe – Ourense
30 de outubro 9Louro & Taïn A Cofradía Cultural – Vilanova de Arousa
7 de novembro Cora Yako La Fábrica de Chocolate Club – Vigo
20 de novembro Camellos A Pousada da Galiza Imaxinaria – Boiro
20 de novembro Montedapena & Hermanos Visi Sala Jagger – Lugo