Este verán, Pontevedra converterase no escenario principal dunha das artistas máis icónicas do panorama musical internacional: Jennifer Lopez arrancará a súa xira española «Up All Night» cun espectáculo o próximo 8 de xullo no Parque de Tafisa. Unha oportunidade única para desfrutar dos grandes éxitos de JLo, como «On the Floor», «Una Noche Más» ou «Let’s Get Loud».
A propia cidade prepárase para recibir a estrela por todo o alto. O alcalde, Miguel Anxo Fernández Lores, comentou entusiasmado que están «encantados de darlle a benvida» á Boa Vila, que será a primeira parada da xira en España.
Tras Pontevedra, Jennifer Lopez continuará coas súas actuacións o 10 de xullo en Cádiz, o 11 en Málaga, o 13 de Xullo en Madrid, o 15 en Barcelona e o 16 en Bilbao. Só cinco datas para demostrar por que é unha das figuras máis influentes na música mundial.
As entradas anticipadas estarán dispoñibles desde o luns 14 de abril ás 12.00 horas para os clientes do Banco Santander, e a venda xeral abrirase o mércores 16 na web de Enter Ticket.
Este evento será tamén parte do BigSound, ofrecendo unha experiencia musical que se prolongará durante o fin de semana (11 e 12 de xullo), pero con Jennifer Lopez a brillar coa súa luz propia o martes 8 de xullo.
Así que… ¿estades preparados para bailar, cantar e desfrutar dunha noite inesquecible en Pontevedra? Non perdades esta cita no Parque de Tafisa!
8 de julio: Parque de Tafisa (Pontevedra)
10 de julio: Estadio Nuevo Mirandilla (Cádiz)
11 de julio: Estadio Atletismo Ciudad de Málaga (Málaga)
13 de julio: Movistar Arena (Madrid)
15 de julio: Palau Sant Jordi (Barcelona)
16 de julio: BEC (Bilbao)
18 de julio: Puerto de Santa Cruz (Tenerife)
About The Author
