O artista británico converte o peche do Gozo Fest nunha noite memorable no Coliseum da Coruña.
Era a primeira vez que Sir Rod Stewart tocaba na Coruña e facíao para poñer o broche de ouro ao festival Gozo Fest, un fetival que conta co patrocinio da Xunta de Galicia e que organizan a promotoras Live Nation e Sweet Nocturna e que este ano 2024 tamén trouxo a Galicia a Ed Sheeran, Maná, Bomba Estéreo, Queens Of The Stone Age, ou Loreena McKennitt, entre outros.
Con puntualidade británica, ás 21:00 h o son dunhas gaitas, quitounos da espera e tróuxonos ao escenario a un Rod Stewart con tantas ganas como todos os que estabamos alí expectantes por ver a un mito da música sobre o escenario herculino.
Acompañado por nove músicos, onde destacaban as tres multinstrumentistas J’Anna Jacoby e Andrea Young, co violín, o banjo, a mandolina, a percusión e a arpísta Julia Thornton coa guitarra e o banjo, que máis dunha vez sacaron unha ovación do respectable e tres coristas.
A noite abriuna con Infatuation , cun percorrido de versións e de clásicos que fixeron vibrar a un publico totalmente entregado co británico que deixou máis que demostrado que os seus 79, case 80 anos, non son un impedimento para el.
Soaron entre outros It’s a Heartache de Bonnie Tyler, o Having a Party de Sam Cooke e The First Cut is the Deepest de Cat Stevens ou o clasico Rollin´and Tumblin do gran Muddy Waters.
Tamén soaron algúns dos hits máis soados da súa carreira: Baby Jane, Forever Young, Young Turks, Maggie May e por suposto Dá Xa Think I’m Sexy?
Con Rhythm of My Heart. Vestido de azul e amarelo, Rod Stewart quixo render homenaxe a Ucraína, cun rotundo «non á guerra», á vez que se proxectaron imaxes do conflito nas pantallas e unha foto de Volodymyr Zelensky.
Cun emotivo Sailing, que encheu o Coliseum con centos de luces chegaría o primeiro e unico bis e remataría unha noite cun show digno das Vegas.
About The Author
