O Caudal Fest 2026 toma Lugo: dúas xornadas de música, calor e xente con ganas de pechar o verán bailando

Os días 18 e 19 de setembro, os xardíns do Pazo de Feiras e Congresos volverán converterse nun espazo de celebración onde miles de persoas se xuntarán para despedir a estación ao ritmo dun cartel cheo de nomes que marcan o presente da música estatal e galega.

Venres 18: dúas pistas, moitas enerxías e un final de noite para non querer marchar

A primeira xornada arrinca ás 17:05 no escenario Estrella Galicia con No Quiero, a banda bilbaína que mestura pop-rock e unha identidade moi propia. Case ao mesmo tempo, ás 17:45, Besmaya inaugura o escenario Cutty Sark, marcando o ton dunha tarde que irá alternando propostas entre ambos espazos.

A partir de aí, o ritmo xa non baixa:

• 18:35 – Anni B Sweet (Estrella Galicia)
• 19:25 – Inazio (Cutty Sark)
• 20:15 – Xoel López (Estrella Galicia)
• 21:15 – Pignoise (Cutty Sark)

O gran momento do venres chega ás 22:15 coa entrada de Lori Meyers, que presentan en Lugo a xira de Espacios Infinitos. Tras eles, ás 23:30, Barry B toma o relevo cun directo pensado para bailar sen descanso.

A madrugada queda en mans de dúas propostas moi distintas:

• 00:30 – Sanguijuelas del Guadiana, rock alternativo con ADN extremeño
• 01:30 – Ortiga, que converterá o Cutty Sark nunha pista de baile para pechar a noite

Sábado 19: máis tarde, máis intenso e cun final que promete ser explosivo

O sábado comeza unha hora máis tarde, ás 18:05, con Tere! no escenario Cutty Sark. A partir de aí, a tarde vai collendo corpo:

• 18:45 – Leire Martínez (Estrella Galicia)
• 19:45 – O Caimán do Río Tea (Cutty Sark)
• 20:25 – Carlos Ares, que traerá a Lugo a súa mestura de pop, electrónica e rock
• 21:25 – Veintiuno, que chegan “cabezabajo” pero dispostos a levantar ao público

O prato forte do sábado chega ás 22:15 con Siloé, que desembarcan en Lugo coa banda ao completo e un directo que non deixa indiferente. A festa continúa ás 23:30 con Sexy Zebras, que subirán a intensidade un chanzo máis.

A recta final da noite queda reservada para dous dos concertos máis esperados:

• 00:30 – Ultraligera, encargados de pechar o escenario Estrella Galicia cun rock alternativo que xa é marca da casa
• 01:30 – La La Love You, responsables de despedir a oitava edición do Caudal Fest cunha das súas festas pop máis celebradas

Pulseración no Concello: unha novidade para evitar colas

Por primeira vez, o Concello de Lugo habilitará a Casa Consistorial como punto de pulseración. Os asistentes poderán recoller a súa pulseira os días 16 e 17 de setembro, na planta baixa do edificio, para acceder directamente aos controis de seguridade o día do festival.

Unha medida pensada para facer máis áxil a entrada e evitar colas nas horas de maior afluencia.