Amanda Seibiel presenta «La chica del Bronx» no seu Rianxo natal.

A rianxeira Amanda Seibiel escritora afincada en Alacante, aproveitou a súa estancia na súa localidade natal para presentar o seu novo libro “La chica del Bronx” ao coincidir coa feira do libro de Rianxo.

En colaboración coa Libraría Nobel de Boiro – A Libraría de Rosa que a animou para facer esta presentación e que esa presentación fose acompañada por unha firma de libros, puidemos achegarnos a Rianxo e coñecela persoalmente.

Despois dun pequeno parón a escritora volve con “La chica del Bronx”, unha novela ambientada no carismático e difícil barrio de Nova York, cunha novela sobre a mafia e o amor, un thriller que che engancha desde o primeiro momento. Sloane é unha moza que traballa como guía turística e verase envolvida nunha historia de paixón, traizón, lealdade e poder.

O libro viu a luz o pasado 3 de Xuño en exclusiva en Amazon e que foi proposto pola escritora, para ser Premio Literario Amazon 2025.

A presentación do libro a escritora animouse a facela en Galego, foi un acto sinxelo e moi emotivo, Amanda dedicoulla a Elena, unha lectora que a segue desde sempre e que se achegou a coñecer á súa escritora favorita persoalmente e coa que Amanda quixo demostrar o agarimo e a proximidade que ten, así como con todas as persoas que se achegaron á firma de libros.

About The Author

Solirock

See author's posts